Маатпаадырны ойнаар бис бе?

Бурунгу тыва өг-бүлеге бичии уругларга салаалар-биле ойнаар оюннарны өөредип чораан. Чижээ, кажык хап ойнаары база салааларынга кандыг-бир дүрзүлерни, кылдыныгны көргүзери – эң солун оюн болур. Салаа, хол-буттуң чүстериниң шимчээшкиннери-биле кижиниң угаан-медерел сайзырадырынга, кандыг-бир чүүлдү дүрген сактып, шиңгээдип алырындан аңгыда дыл-домактың сайзыралынга ужур-дузалыг.

Кадыкшылга ажык-дузазын барымдаалап, улусчу чаңчылдарны нептередири-биле ук оюнну ясли-садииңерге ойнаарын кыйгырдывыс 

Салаалар-биле ойнаар оюн «Матпаадыр»

Бо оюнда хойжу, тараажы өг-бүлениң демниг ижин чечен арга-биле көргүскен. Паштаныр кижи Матпаадыр, эң хеймери — Биче-Шээмей – база-ла шаа-биле ажылга киржип турар, кежээ, бүүрек чиир болган. Адыш оюун пашка дөмейлеп, аңаа тараа былгаарын көргүзүп чоруй, оюнну кичигейлээшкин-биле каткы-хөгже шилчиткен.

Матпаадыр паштаныр,

Бажы-Курлуг бажың тудар,

Ортаа-Мерген от салыр,

Уваа-Шээжек уруктаар,

Биче-Шээмей чээрген чыыр,

Бүүрек чиир, арбай хоорар,

Авазынга дузалажыр,

былгааш тудар.

Матпаадыр башкылаар,

Бажы-Курлуг малдаар,

Ортаа-Мерген от салыр,

Уваа-Шээжек уран-шевер,

Биче-Шээмей бижик көөр.

Кылбас, тутпас чүвези чок

Кызыл-Маадыр алышкылар.